Бірыңғай жинақтаушы қор Қазақстандағы ең жоғарғы зейнетақының көлемін жариялады, деп хабарлайды kaskelen.kz.
Қордың мәліметіне сүйенсек, 1 мамырдағы жағдай бойынша салымшылардың жеке және шартты шоттарында шамамен 19 триллион теңге жинақталған. Бір жыл ішінде зейнетақы жинақтары 3,3 триллион теңгеге немесе 21,1%-ға өскен.
Зейнеткерлік жасқа толуына байланысты БЖЗҚ-дан берілетін кесте бойынша орташа айлық төлем мөлшері 33 858 теңгені құрады. Ай сайынғы зейнетақының ең жоғары сомасы – 945 752 теңгені құраған.
