Қазақстандықтардың қандай ақша аударымдарына салық салынбайтыны белгілі болды, деп хабарлайды kaskelen.kz тілшісі.
Аудитор және салық бойынша консультанты Рабиям Серікбаева әлеуметтік желідегі парақшасында қазақстандықтардың қандай ақша аударымдарына салық салынбайтыны туралы ақпаратты бөлісті.
Серікбаева картаға түскен қаражаттың табыс болып саналмайтын немесе салық салудан босатылған барлық жағдайлар түсіндірілген кесте әзірледі. Сонымен қатар кестеде салық кодексінің тиісті баптарына сілтемелер де көрсетілген.
Маманның мәліметі бойынша, салық салуға жатпайтындар:
- жақын туыстар арасындағы аударымдар;
- жеке тұлғалардан келген қайтарымсыз аударымдар (сыйлықтар, көрімдік, қайырымдылық);
- өз көлігі мен пәтерін сатудан түскен қаражат (бір жылдан астам уақыт бойы меншікке ие болған жағдайда);
- тұлғаның өз есепшоттары мен депозиттері арасындағы аударымдар;
- алынған несие;
- жалақы;
- сақтандыру төлемдері және т.б.
