Қазақстан экономикасындағы жалпы кредиттік берешек көлемі 2025 жылдың 1 сәуірінде 42,8 трлн теңгені құрады. Бұл туралы Ұлттық банк мәлімдеді, деп хабарлайды kaskelen.kz порталы.
Ұлттық банктің статистикасына сәйкес, кредит көлемі бір жыл ішінде 20,4%-ға артқан.
Жиынтық берешектің:
-
45,6%-ы немесе 19,5 трлн теңгесі — қаржылық емес заңды тұлғалар мен жеке кәсіпкерлердің;
-
54,4%-ы немесе 23,3 трлн теңгесі — халықтың үлесінде.
Кредиттің 90,6%-ы (38,7 трлн теңге) ұлттық валютада, ал 9,4%-ы (4 трлн теңге) шетел валютасында берілген.
Берешектің басым бөлігін, 85,6%-ын немесе 36,6 трлн теңгені банктер берген. Айта кетейік, 2024 жылдың 1 мамырында бұл сома 30,9 трлн теңге болған.
Квазимемлекеттік сектор мен ипотекалық ұйымдар үлесі:
-
«Қазақстандық тұрғын үй компаниясы» АҚ мен «Экспресс Финанс Ипотекалық ұйымы» АҚ сияқты ұйымдарға тиесілі несие көлемі – 271,7 млрд теңге (2024 жылдың 1 мамырында – 289,5 млрд теңге).
-
«Аграрлық кредиттік корпорация» АҚ, «ҚазАгроҚаржы» АҚ, «Өнеркәсіпті дамыту қоры» АҚ және «Қазына Капитал Менеджмент» АҚ сияқты квазимемлекеттік ұйымдарға қайтарылуы тиіс несие көлемі 2,9 трлн теңгеге жетті (2024 жылдың 1 мамырында – 2,2 трлн теңге).
Микроқаржы ұйымдары да нарықтағы үлесін арттырып келеді. Олар берген кредиттің жалпы сомасы 2,9 трлн теңге, бұл бір жыл бұрынғы көрсеткіштен 400 млрд теңгеге артық (2024 ж. 1 мамырында – 2,5 трлн теңге).
