2024 жылдан бастап мемлекеттен таксопарктерге жалға берілетін көліктер үшін субсидия тоқтатылады. Сондықтан алдағы уақытта елде такси бағасы өседі, деп хабарлайды kaskelen.kz порталы.
Тұрғындар, әсіресе алматылықтар, бағаның шарықтап жатқанын айтып, шағым түсірді. Бүгінгі күні такси шақыру қолжетімсіз болып бара жатқанын айтады.
Алайда такси жүргізушілерінің өз уәжі бар. Күнде көлікті жалға алып, жанармай, таксопарк қызметі мен көліктің күнделікті шығынын алып тастағанда, өздерінің табысы 10 мың теңгеге жетпейтінін айтты. Енді келесі жылы мемлекеттен берілетін субсидия алынса, онда көліктердің құны тағы артып, тиісінше бұл жолаушылар қызметінің қымбаттауына әкеледі.
Сізге ұнауы мүмкін
“Біз онсыз да көп табыс таппаймыз. Күнделікті шамамен 20-25 клиент апарамыз. Барлық шығынды алып тастаса, өзім күніне 7000 теңгедей ғана таза табыс табамын. Келер жылдан бастап үкімет таксопарктерге субсидия бөлуді тоқтатуы мүмкін. Сол уақытта біздің күнде жалға алып жүрген көліктеріміздің құны өседі. Сәйкесінше, такси бағасы да шарықтауы мүмкін”, – деді жүргізушілер одағының атқарушы директоры Нұркен Тәжібай.
Қазіргі таңда жүргізушілер жалға алған көліктер үшін күніне 12000 теңгеден бастап 20 мыңнан жоғары ақы төлейді. Таксопарк көліктерін мініп жүретіндердің саны мегаполис бойынша 60 пайыздан асады. Әзірге бұл ақпарат туралы нақты шешім шыққан жоқ. Сол себепті такси жүргізушілерінің жайы қалай шешілері алдағы уақытта белгілі болмақ.
