Танымал әнші Индира Расылхан сахнаға қайта оралып, Cover Show бағдарламасында өнер көрсетті, деп хабарлайды kaskelen.kz.
Дінге бет бұрып, сахнаға қайта шыққан әнші сынға қалды.
“Менің ән айтуымды қалаған жандардың қуанышында шек жоқ. Рахмет баршаңызға! Осы тамаша әнді кавер нұсқада орындауға мүмкіндік берген “Хабар” арнасы мен Мейрамбек Бесбаев досыма рахметімді айтамын. Сіздерге ұнады ма?”, – деп жазды әнші.
Желі қолданушылары мен өнер иесінің тыңдарманының пікірі екіге жарылды. Бірі әншіні қолдап, сахнаға шығуын тілесе, енді бірі діннен алыстамауын өтінген. “Араб болып тағы шықтың ба, ақшаң азайған екен, сорлы, келместей болып кетіп едің, енді сұңқылдап тұрсың” деп жазды бір оқырманы. Негатив пікір иесіне әнші жауап қайтарып, “Осы жолы сізді сотқа беремін. Өткенде ескертіп едім” деп жауап берді. “Сізді танытқан – өнеріңіз, ән айтуды тастамаңыз” дейді енді бір тыңдарманы. “Намазды да оқып, әнді де айтып жүре беріңіз” деген пікір өте көп.
