Қостанай облысының прокуратурасы “Тобыл” МКК қызметінде заңбұзушылықтарды анықтап, халық үшін коммуналдық тарифтердің төмендеуіне қол жеткізді, деп хабарлайды kaskelen.kz порталы.
19 қыркүйекте Қостанай облысы прокуратурасының баспасөз қызметінен хабарлағандай, ведомство “Тобыл” МКК жұмысын аттас кентте тексерді. Тексеру қорытындысы бойынша прокурорлар кәсіпорынның тарифтік сметаны орындамағанын және 2022 жылы 79 млн теңгеге амортизациялық аударымдарды мақсатсыз пайдаланғанын анықтады.
Прокуратураның қадағалау актісі бойынша монополияға қарсы орган тарифтерді төмендету үшін шаралар қабылдады. Тобыл тұрғындарына келтірілген залалды өтеу үшін олар үшін 1 қазаннан бастап коммуналдық тариф 4,5 мың теңгеден 3,6 мың теңгеге дейін, ал кәсіпкерлер үшін – 5,8 мың теңгеден 4,6 мың теңгеге дейін төмендетіледі. Сумен жабдықтау тарифі 524,95 теңгеден 408,19 теңгеге дейін, су бұруға – 266,08 теңгеден 234,84 теңгеге дейін төмендетіледі.
Сізге ұнауы мүмкін
“Тобыл кентінің екі мыңнан астам абонентінің, оның ішінде 87 кәсіпкердің құқықтары қорғалды”, – деп хабарлады прокуратура.
