Сенат отырысында Ішкі істер министрінің бірінші орынбасары Марат Қожаев бұрынғы ұлттық экономика министрі Қуандық Бишімбаевты тергеу мерзімі қашан аяқталатынын айтты, деп хабарлайды kaskelen.kz тілшісі.
Қожаевтың айтуы бойынша, тергеу жақын арада аяқталуы тиіс. Сараптама нәтижесін күтуіміз керек.
“Тергеу, сараптама қорытындысы, іс аяқталған соң екі тарапты құжаттармен таныстыру қажет. Бұл да уақытты алады. Содан кейін іс сотқа жіберіледі”, – деді министрдің орынбасары.
Еске сала кетейік, бұрынғы ұлттық экономика министрі Қуандық Бишімбаев әйелі Салтанат Нүкенованы өлтірді деген күдікпен ұсталған болатын. Кейіннен қылмысты жасырды деген айыппен Салтанат Нүкенова көз жұмған мейрамхананың директоры да тұтқындалды.
