Жақында “Құрмет” орденін алған Әли Оқапов қоғамдағы даулы, сыни пікірлерден кейін марапаттан бас тартатынын мәлімдеді, деп хабарлайды kaskelen.kz.
Мемлекет басшысы Қасым-Жомарт Тоқаев президенттік өкілеттігі аяқталғанға дейін отандық және шетелдік наградаларды қабылдамау туралы шешім қабылдады. Бұл туралы ақпарат Telegram арналарында таратылды. Кейінірек Акорда ақпаратты растады.
Біраз уақыт қойы халық арасында белгілі әнші Роза Рымбаеваның ұлы Әли Оқаповтың марапатына қатысты даулар болды. Кейбіреулер “мұндай марапатқа ие болу үшін оның еңбегі бар” деп санады, алайда “сыйлықты қайтарыңыз” деп жазғандар да аз емес болды.
Сонымен қатар, бұл марапаттан Арыстанбек Мұхамедиұлы да айырылды. Сот бұрынғы мәдениет министріне, Ұлттық музей басшысына үкім шығарды. Бұрынғы шенеунік 8 жылға бас бостандығынан айырылды.
Бұған қоса, Астана қаласының № 2 Байқоңыр аудандық сотының судьясы Бағлан Ыдырысов бұрынғы шенеунікті “ҚР Еңбек сіңірген қайраткері” құрметті атағынан, “Парасат” орденінен айыру туралы қаулы шығарды. Сот шешімімен Арыстанбек Мұхамедиұлы мемлекеттік қызметте, жергілікті өзін-өзі басқару органдарында қызмет атқару құқығынан өмір бойы айырылды.
Мұхамедиұлы “еңбек сіңірген қайраткері” атағын 2005 жылы,” Құрмет ” орденін 2010 жылы,” Парасат ” орденін 2016 жылы алды.
