Қазақстандық әнші Абай Бегей үлкен қызы тұрмысқа шыққанда неге күйеу баласымен кездесіп, таныспай қойғанын ашып айтты, деп хабарлайды kaskelen.kz порталы.
Әншінің қызы таңдаған ер азаматпен неге таныспай қойғанын “Ұрпақ” подкастында түсіндіруге тырысты. Оның айтуынша, оның бұл тұрғыда ұстанатын өмірлік қағидасы бар екен.
Абай Бегей ақыры күйеу баласымен алдын ала таныспай, оны тойда бір-ақ көрген. Әнші бүгінде де қызының күйеуімен аса жақын араласпайтынын айтты.
Сізге ұнауы мүмкін
“Қызым “тұрмысқа шығамын” деді. Жақсы деп, бірден келісіміді бердім. Сосын маған “күйеу баламен таныстырайын деп едім” деді. Мен “күйеу бала маған ұнамай қалған жағдайда оған шықпай қаласың ба?” деп сұрадым. “Жоқ шығамын, соны қаладым” деді. “Онда маған көрсетпе, мен оны көрмеймін” дедім. Ұзату тойын жасадым. Тойда 700 адам болды.
Тойын жасап, батасын бердік. Күйеу баланы сол кезде көрдім. Амандастым да, қызымды тапсырдым. Болды. Әлі күнге дейін мен күйеу балама телефон соқпаймын. Ол кейде маған құттықтап, хабарламалар жіберіп тұрады. Менің ұстанымым сондай. Егер маған адам ұнамай қалса, мен жаман болып қаламын. Кейін өтірік араласа алмаймын. Сосын қызыма тойдан кейін “маған күйеу баланы жамандама” дедім”, – деді Абай Бегей.
