Назарбаев қоры Алматыдағы ғимаратын президент әкімшілігіне өткізді, деп хабарлайды kaskelen.kz тілшісі.
Назарбаев қорының мәліметі бойынша, 2023 жылдың мамыр айында Алматы қаласы Ганди көшесі, 10 мекенжайында орналасқан әкімшілік ғимараты мемлекет меншігіне өтеусіз өтіп, президент істері басқармасының балансына қосылды.
Алматыдағы президент резиденциясы бұзылғаннан кейін президент әкімшілігі өкілдігі мен президент істері басқармасы қызметкерлері жаңа ғимаратқа көшіп үлгергені көрсетілген. Сонымен қатар мемлекет басшысы Қасым-Жомарт Тоқаевтың жұмысына арналған арнайы кеңсе бар.
“Қазір Алматыда президент резиденциясының жаңа ғимаратын салу мәселесі қарастырылып жатқан жоқ”, – делінген хабарламада.
Еске сала кетейік, бұған дейін Астанадағы “Нұр-Сұлтан” және “Нұр-Сұлтан Нұрлы жол” вокзалдарының атауы өзгертілетіні туралы мәлім болған.
