Еңбек және халықты әлеуметтік қорғау министрі Тамара Дүйсенова 29 тамызда Үкіметтің аясында Қазақстанда неге оқу жылының бұрынғы ұзақтығы қайтарылғанын түсіндірді, деп хабарлайды kaskelen.kz.
“Мен бұл туралы айтып кеткен едім. Мен бірден атап өткім келеді, балалардың 36 аптаға дейін немесе 40 аптаға дейін оқитыны – бұл әлемдік тәжірибе. Бірақ бұған тағы да инфрақұрылым қажет. Сондықтан біз қазір 34 апталық оқу жылын 25 мамырда аяқтаймыз деп отырмыз”, – деп түсіндірді ЕХӘҚМ басшысы.
Алайда, оның айтуынша, оқу жылын ұзарту мәселесін оқушы орындарының тапшылығы мәселесі шешілген соң қайта қарастыруға болады.
“Қазір көптеген мектептер салынуда. Біз апатты мектептермен және үш ауысымды мектептермен мәселелерді шешеміз. Өңірлер осындай инфрақұрылымды беруге дайын болғанда, 25-30 адамнан тұратын балалар бір сыныпта отыра алады. Тиісті жағдайлар болған кезде, әрине біз бұл мәселеге ораламыз”, – деп сендірді Тамара Дүйсенова.
25 тамызда қазақстандық оқушыларға бұрынғы оқу мерзімі қайтарылғаны белгілі болды.
