Әнші Мөлдір Әуелбекова Мейрамбек Бесбаевтың өзіне көп көмектескенін айтты. “Ұйқым келмейді” бағдарламасында қонақ болған ол, “Музарт” тобының әншісімен өзін не байланыстыратынын ашып берді, деп хабарлайды kaskelen.kz порталы.
“Ата-анам, балам, қызым және Мейрамбек ағама алғыс айтамын. Мейрамбек аға – менің туған ағам. Шынын айтсам, өмірімде үлкен рөлі бар. Жай ғана араласып қоя салатын адам емес.
Бір-екі мәселем болған кезде, ол кісі қатты көмектесті. Үлкен мәселелер туындағанда ағаны іздеймін. Ешқашан бас тартқан емес. Өте қысқа мерзімде мәселемді шешіп береді. Өмірімде де, өнерімде де үлкен рөл алады”, – деді Мөлдір Әуелбекова.
Еске сала кетейік, Мөлдір Әуелбекова күні кеше ата-анасынан неге бөлек шыққанын айтты.
