Актер, продюсер Жахан Отарғалиевтің денсаулығы сыр беріп, Стамбул қаласында ем қабылдап жатыр. Желіде актер отадан кейінгі жағдайымен бөлісті, деп хабарлайды kaskelen.kz порталы.
Актердің еміне шипа табылмай жатқан көрінеді.
“Жақсы адам болу – қиын заман болып кетті ғой. Бірақ кім не десе о десін, мен жақсылық жасауды, ойлауды, кемі жақсылық қалауды тоқтатпаймын. Ауырып қаламын деп ешкім ойламайды. Мен де ойламағанмын. Бірақ 4-5 ай бойы ауруханадан шықпадым. Аурудың да түрі бар. Енді осы жерге қайта келгім келмейді. Шын жанашыр достарым, денсаулықтарыңды күтіңдер”, – деп жазды әзілкеш.
Сонымен қатар, актерге Стамбул қаласында тұрып жатқан белгілі айтыскер ақын Айнұр Тұрсынбаеваның жолдасы Нұржан Иманәлиев көңілін сұрап барған.
Сізге ұнауы мүмкін
“Алла разы болсын, Нұржан аға! “Әр қазағым – жалғызым” дегенді расымен далада жүргенде сезінеді екенсің. Келіп жағдай сұрасып, біраз көңілім көтеріліп қалды”, – деп қуанғанын жасырмады актер.
Актер сырқатынан айықса Меккеге баруы жоспарлап отырғанын айтты.
Еске сала кетейік, бұған дейін актер еміне шипаны Қазақстан мен Қытайдың дәрігерлері таба алмай жатқанын айтқан болатын.
