Үкімет сыбайлас жемқорлықтан алынған қаражатқа 62 мектеп салынғанын хабарлады, деп хабарлайды kaskelen.kz.
“Бүгінгі таңда сыбайлас жемқорлықтан алынған қаражатпен толықтырылатын қордың арқасында ҚР бірқатар өңірлерінде, сондай-ақ Астана, Алматы және Шымкент қалаларында 76 мың оқушы орнына (екі ауысымға) 62 мектеп салу қаржыландырылды”, – деп атап өтті Үкімет.
Жалпы, өткен жылдың желтоқсан айында құрылған сәттен бастап Қорға 151,6 млрд теңге түсті.
Оның қызметі үш ауысымды оқытуды, апатты білім беру мекемелерінің проблемаларын және мектептерді, қосымша ғимараттар мен интернаттарды салу және реконструкциялау есебінен жалпы оқушы орындарының жетіспеушілігін жоюға бағытталған.
