Қазақстан мұсылмандары діни басқармасының төрағасы Наурызбай қажы Тағанұлы Сауд Арабиясы Корольдігінің Қазақстандағы елшісі Файсал бен Ханиф Әл-Қахтанимен кездесті. Іс-шара барысында Файсал бин Ханиф әл-Кахтани Сауд Арабиясы Корольдігінің атынан Қазақстанға 50 мың Құран тапсырды, деп хабарлайды kaskelen.kz.
“Қазақстан тәуелсіздік алған сәттен бастап біз Сауд Арабиясымен тығыз байланыстамыз. Дипломатиялық байланыстар аясында дін саласында да ынтымақтастық орнатқанымызға көп жыл болды. Осы жылдар ішінде біздің байланысымыз нығайды. Біздің қажылық бойынша екі жақты жұмысымыз жақсарып, өз жемісін беруде. Биыл елімізден төрт мың адам қажылыққа барды”, – деді Бас мүфти Наурызбай қажы Тағанұлы.
Айта кетейік, екі ел арасындағы келісім бойынша Қазақстанға 2024 жылға ұсынылған қажылық орындарының саны 2,5 есеге (4 мыңнан 10 мыңға дейін) артты.
