Семейде “Кең-Дала” мейрамханасының маңында түнде 10 адамның қатысуымен жаппай төбелес болған, деп хабарлайды kaskelen.kz тілшісі. Видеоны мына сілтеме арқылы көре аласыз.
Желіде жарияланған видеода азаматтар арматура қолданып, төбелес кезінде бір жігіт жарақат алып, құлағаны байқалады. Кейбір дереккөздердің мәліметі бойынша, жәбірленуші ауыр жарақат алып, комаға түскен.
Оқиғаға байланысты Абай облысының полиция департаменті пікір білдірді.
“Әлеуметтік желіде таратылған жаппай төбелес фактісіне қатысты бейнежазба бойынша 20 қаңтарында Семей қаласының Затон полиция бөлімі – денсаулыққа зиян келтіруге бейімделген заттарды қолдана отырып, адамдар тобы жасаған қасақана денсаулыққа ауыр зиян келтіру және бұзақылық бойынша сотқа дейінгі тергеп-тексеруді бастағанын хабарлайды. Қазіргі уақытта кінәлі адамдар анықталып уақытша ұстау изоляторына қамауға алынды”, – делінген хабарламада.
Сондай-ақ полиция жанжалға қатысушылар арасында қаза тапқандардың жоқ екенін алға тартты.
