Бүгін төтенше жағдайлар министрі Сырым Шәріпханов ҚР үкіметінің отырысында іздеу-құтқару жұмыстары барысында 45 кеншінің мәйіті мен 46-шы қаза тапқан адамның сүйегі табылғанын хабарлады, деп хабарлайды kaskelen.kz тілшісі.
Іздеу-құтқару жұмыстары барысында 45 кеншінің денесі табылды.
“46-шықаза тапқан адамның қалдықтары табылды. Қазір қайтыс болған 40 адамның жеке басы анықталды, алтауы анықталмады. Оларды сәйкестендіру үшін қажетті сараптамалар жүргізіледі. ДНҚ талдауы қажет болады”, – деді Сырым Шәріпханов.
Қарағанды облысындағы Костенко шахтасында қайғылы оқиға 28 қазанға қараған түні сағат 02:33-те болды. Жарылыс кезінде шахтада 252 адам болды, жер бетіне 206 шахташы шығарылды.
