КешYOU тобының бұрынғы мүшесі Балжан Бидаш желіде жылап жатқан видеосын жариялап, жан сырын ақтарды. Некесі сәтсіз болған әнші басынан қиын кезең өткеріп жатқанын айтты, деп хабарлайды kaskelen.kz порталы.
Балжан Бидаштың Instagram желісінде бөліскен видеосы елді алаңдатты. Ол жерде әртістің жылап жатқанын көруге болады. Ол қаншалықты мықты болса да, өзін сүйреп шаршағанын айтты.
“Мен осы уақытқа дейін сіздерге ашылып, қиналған эмоциямды көрсеткен емеспін. Қанша мықты болсам да, өзімді сүйреп шаршадым. Сенің тағдырыңда болып жатқан жағымсыз құбылыстарға біреудің кінәсі жоқ. Ол өзіңнің таңдауың. Бәрі жаратқан иеміздің жоспары”, – деп жазды әнші.
Сондай-ақ, өнер иесі алаңдап, қолдау білдіріп жатқан көпшілікке алғысын айтты.
“Хаттарыңызды оқыдым. Уайымдамаңыздар, өздеріңіз айтпақшы уақыт бәріне емші. Қолдауларыңызға рахмет. Бәрі жақсы болады деп үміттенемін”, – деп жазды ол.
