UFC файтері Шавкат Рахмонов қарындасы Сора Рахмонованың ұзату тойына келе алмады. Алайда ол қарындасына арнаған тілегін АҚШ-тан видео арқылы жолдады, деп хабарлайды kaskelen.kz порталы.
Сора Рахмонованың ұзату тойы 8 желтоқсанда болды. Оның таңдаған жары грепплингтен бірнеше дүркін әлем чемпионы, Алматы облыстық мәслихат депутаты – Нұрсұлтан Орынбасаров.
“Спортшы, чемпион болу бір бақыт, ал, сүйгеніңеді тауып, ұяңнан ұзатылу – ол мүлде басқаша бақыт! Жүрегімді аялайтын, спортымды түсінетін, мені барлық күйімде сүйе алатын жар жолықтырған Аллаға шүкір!
Ата-ана, бауыр, туыстарыма мені еркелетіп өсіргені үшін алғыс айтамын. Баршаңыздың ақ тілектеріңіз қабыл болсын. Өз үйіме аттандым”, – деп жазды ол Instagram-дағы парақшасында.
Танымал жекпе-жек шебері Рахмоновтың қарындасын Мәдина Сәдуақасова ұзатты. Тойда өнердегі танымал адамдар болған.
