Шымкентте 74 жастағы қария мен 72 жастағы әжей шаңырақ көтеріп, заңды некеге тұрды, деп хабарлайды kaskelen.kz тілшісі Otyrar.kz порталына сілтеме жасап.
72 жастағы Найля Нұриева ұзақ өмір сүру орталығында өз теңін тапты. Оларға орталықтан жеке бөлме де берілген.
“Біз 2 ай кездесіп жүрдік. Кейін ол маған сөз салды, мен иә дедім. Некемізді де заңды түрде тіркедік. Мұнда біз бірге тұрамыз, тіпті бізге жеке бөлме де берілді. Бәріне алғыс айтамын. Бізде бәрі жақсы, бәрі бар”, – дейді Найля Нұриева.
Қарттар үйінде жалпы саны 4 жұп бар екен. Орталықта зейнеткерлерге қажетті барлық жағдай жасалған. Қариялар онда түрлі ем-дом алып, спорттық жаттығулар да жасай алады. Мұнда сонымен қатар, компьютермен жұмыс істеп, өз-өзін дамытуға да болады.
Сізге ұнауы мүмкін
“Осы қарттарымыздың жағдайын жасау мақсатында Шымкент қаласында 3 белсенді орталық ашылған. Ол жерде мықты дәрігерлер, қызметкерлер осы біздің қарияларымызға қызмет көрсетеді”, – дейді Шымкент қаласы жұмыспен қамту және әлеуметтік қорғау басқармасының басшысы Жанат Өтебаева.
