Қазақтың танымал актері, сатирик Асқар Наймантаев 59 жасында өмірден озды, деп хабарлайды kaskelen.kz.
Бұл туралы актердің достары әлеуметтік желіде хабарлады.
Бұған дейін актер Instagram парақшасында ауруханадан түскен суреттерімен бөліскен.
Асқар Наймантаев 1965 жылы дүниеге келген. “Тамаша” ойын-сауық телебағдарламасындағы комедиялық рөлдері арқылы халыққа кеңінен танылды. Сонымен қатар ол “Терісқақпай” және “Аққу-Гәкку” әзіл-сықақ театрларының, кино мен театр сахнасында көптеген есте қалатын образдардың жасаушысы ретінде де ел есінде қалды.
“Бастық боламын”, “Шымкенттегі OryStar”, “Детектив Әже”, “Туысқандар”, “Бұйымтай”, “Өсекшілер”, “Ауылдағы немерелер” комедиялық сериалдарына түскен.
Бұған қоса Сатыбалды Нарымбетовтың “Аманат”, Бақытас Сәнитастың “Тезек” фильмдерінде де басты рөлді сомдаған.
