Алматы қаласының орталық көшелерінің бірінде қыз танысуға келіспегені үшін соғып тастады. Бұл туралы жапа шеккен қыз әлеуметтік желіде айтты, деп хабарлайды kaskelen.kz сайты almaty_kris_p-ке сілтеме жасап.
Оқиға шілде айының соңында орын алған көрінеді. Жапа шеккен қыз айтуынша, қолында сыра ұстаған екі жігіт таныспақ ниетпен келген.
“Біз сыпайы түрде екі рет таныспайтынымызды айтып, бас тарттық. Біраздан кейін оның біреуі боқауыз сөздер айта бастады. Содан кейін жағымнан жұдырықпен ұрды. Есімнен танып қалдым. Кейін 102, 103 шақырдық”, – деді бойжеткен.
Оқиғадан кейін бойжеткен полиция учаскесіне арыз жазуға барған. Айтуынша, тәртіп сақшылары қызға ойына келгенін айтқан.
“Полиция ұызметкерлері не деді? Өздерің түнде қыдырасыңдар. Бостан босқа ұрмаған шығар”, – дейді ол.
Қаланың полиция департаменті қазіргі уақытта күдіктілерді іздестірудеміз деп сендірді. Сот-медициналық сараптама тағайындалды.
