Алматыда хостелдегі өрт салдарынан қаза тапқан Ақтау тұрғыны Никита Королевтың анасы өзінің Instagram парақшасында ұлының жерлеу рәсімі өткенін жазды, деп хабарлайды kaskelen.kz тілшісі Лада порталына сілтеме жасап.
Анасының сөзінше, ұлы Ақтауға үйіне ұшуға бір күн қалғанда қайғылы оқиғаға тап болған.
“Ол менің жалғыз ұлым. 24 желтоқсанда 20 жасқа толар еді. Мен оны көрмегеніме 1,5 жыл болып еді. Ал бүгін оны соңғы рет құшақтадым. Бұл өмірде немере-шөберелі болатыныма сенімді едім. Балаларыңыздың өмірге құрған жоспарлары ата-анасына өмір сүруге басты себеп. Менің қазір ондай жоспарым жоқ. Бұл қайғыдан қалай шығуға болатынын білсеңіздер айтыңыздар. Менде үміт етер ештеңе қалған жоқ”, – деп жазды Евгения Вегер.
Еске сала кетейік, Алматыда хостелдегі өрттен 13 адам көз жұмды. Олардың ішінде қаза тапты деп саналған Түркістан облысының тумасы тірі болып шықты.
