Желіде футбол матчында Ресей бапкерлер штабының өкілдері қазақстандық төрешілерді балағаттап жатқан видеосы таралуда, деп хабарлайды kaskelen.kz порталы. Видеоны мына сілтеме арқылы көре аласыз.
“Менің алдыма келіп көрсет, чукча”, – дейді ресейлік 2Drots футбол командасының жаттықтырушысы Дмитрий Кузнецов бейнероликтің сипаттамасына сәйкес, қазақстандық төрешілердің бірінің тарапына қарата.
“Балағаттама”, – дейді бейнежазбада екіншісі оған. “Факт қой. Өзінің ұлтын мақтан тұтсын”, – дейді тағы бір ресейлік.
Оқиға медиафутбол лигасы аясында Қостанайда қазақстандық SD Family мен ресейлік 2Drots футбол командалары арасындағы матч кезінде болған.
Сипаттамада ресейлік жаттықтырушылар штабы тарапынан ұлтаралық араздықты қоздыру болып саналатыны айтылады.
Блогер әрі қоғам белсендісі Насима Қорғанбекова өзінің Telegram-арнасында “Ресей бапкері Кузнецовтың көмекшісі қазақ ұлтына қатысты да тіл тигізгенін” жазады.
*Чукча сөзі – Ресей Федерациясының солтүстік-шығысында өмір сүретін азшыл чукча ұлтына қатысты пайда болған. Ресейде бұл сөзді қолдану балағаттау болып саналады. Бұл сөздің көбінесе азиат нәсілді ұлттардың тарапына айтылатыны белгілі.
