Сізге ұнауы мүмкін
Үкімет шетелдік жұмыс күші квоталарын қысқарту бойынша жүйелі жұміс істеп жатыр. Бұл туралы Сенат депутаттарының сауалына Премьер-Министрдің орынбасары Тамара Дүйсенованың жауабында айтылған, деп хабарлайды kaskelen.kz тілшісі.
«Ішкі еңбек нарығын қорғау мақсатында еңбек мигранттарын тартуға квотаны қысқарту бойынша жоспарлы жұмыс жүргізіліп жатыр. 2024 жылға квота заңды тұлғалар үшін 22 мың бірлік (2016 жылдан бастап 2,8 есеге қысқартылды), жеке тұлғалар үшін 271,3 мың (1,5 есеге) құрады. Кезең-кезеңмен қысқарту нәтижесінде 2029 жылға қарай жиынтық квота 46 мың бірлік болады», – деді вице-премьер.
Үкімет басшысы орынбасарының жауабына берілген анықтамаға сүйенсек, осы жылдың 1 мамырында елімізде жеке тұлғалардан 130,5 мың еңбек иммигранты еңбек етеді. Оның ішінде Өзбекстаннан 125 150 адам, Тәжікстаннан 4 353, Әзірбайжаннан 967) адам. Заңды тұлғалардан 13,7 мың адам. Бұл ретте бұрын берілген қолданыстағы рұқсат ескерілген. Ал 2024 жылдың басынан 5,4 мың рұқсат берілді.
«Шетелдік жұмыс күші квоталарды қысқарту бойынша жұмыс жүйелі негізде жалғасып жатыр», – деді Тамара Дүйсенова.
