Қазақстандықтардың жалпы шығындардың 10%-ы білімге жұмсалған, деп хабарлайды kaskelen.kz порталы.
«Жалпы қазақстандықтар білім беру қызметіне 176 млрд теңге жұмсаған. Ұлттық статистика бюросының мәліметі бойынша, осы жылдың II тоқсанында жалпы білім беру қызметіне 1,7 трлн теңге жұмсалды. Бұл соманың 86,4%-ы бюджетке, ал 3,4%-ы кәсіпорындарға тиесілі болды.
Қазақстандықтар жоғары білім алуға ең көп қаражат бөлді – жыл басынан бері 3 айда 62,9 млрд теңге жұмсалды. Келесі орында мектепке дейінгі тәрбие мен оқыту (38,2 млрд.теңге), сондай–ақ жалпы орта білім беру (28,4 млрд. теңге) тұр.
Республика бюджеті негізгі орта білім беру (798 млрд.теңге), мектепке дейінгі білім беру (220 млрд. теңге) және бастауыш білім беру (179 млрд. теңге) саласындағы қызметтерге қомақты қаржы жұмсады. Сонымен қатар, республикалық бюджеттен жоғары білім беру қызметтеріне бар болғаны 106 миллиард теңге бөлінді.
Айта кетейік, 2024-2025 оқу жылында гранттар саны 94 мыңнан асты. Оның ішінде бакалавриат студенттеріне 78 мың грант, магистратураға 13 мың грант, болашақ докторанттарға 3 мың грант қарастырылған.
