Танымал әнші Мадина Сәдуақасова жеке парақшасына видео жүктеп, су жаңа әні жарыққа шыққанын айтты, деп хабарлайды kaskelen.kz порталы.
Әнші видеосының астына философиялық жазба қалдырды.
“Осындаймын. 20-30 жаста қандай болдым, өзгермедім. Еркін, ерке, шынайы… Басқалармен салыстырмаңыз, әр адам басқа әлем, менің әлемім бөлек, ешкімге ұқсамайды”, – деп жазды әнші.
Әншінің оқырмандары кіндігін ашып билегенін сынап тастады. “Дап-дардай қатын, киімі алқам-салқам” десе, “Жасыңа лайық болсаңшы”, “Өзіңмен қатарлас әншілерден үлгі ал”, “50-ге таяп қалған бұл қылығың ерсі” деп негатив пікір білдіріп жатыр. Әншінің өнердегі әріптесі Маржан Арапбаева, Алтынай Жорабаева өзгермейтін болмысын айтып, жарыса мақтап жатыр.
