Бүгін Ақорданың баспасөз қызметі Ұлттық құрылтай құрамының өзгергенін мәлімдеді, деп хабарлайды kaskelen.kz.
Мәлімдемеде Ұлттық құрылтай жұмысына басқа қоғам өкілдері тартылатыны айтылған:
- Қазақстандағы бала құқықтары бойынша уәкіл Динара Закиева;
- “Қазақстанның кәрістер қауымдастығы” ЗТБ төрағасы Юрий Шин;
- Қазақстанның Еңбек ері, Семейдегі № 7 орта мектеп-лицей мұғалімі Алма Шұқыжанова;
- ҚР парламент мәжілісінің депутаттары Нұрлан Әуесбаев пен Никита Шаталов;
- Zhubanov university басқарма-төрағасы, ректор Лаура Қарабасова;
- пара жеңіл атлетика бойынша спортшы Айсұлу Сүлейменова;
- дүнген этносының көшбасшысы Лугмар Буларов;
- “Азаттық рухы” ақпарат агенттігінің тележүргізушісі, журналист Кристина Гринько.
Бұдан бөлек құрамға бірнеше аймақтан қоғамдық кеңес мүшелері кірді.
Сізге ұнауы мүмкін
“Ұлттық құрылтай құрамынан Б.Әлтеев, А.Толамысов, Г.Қанай, С.Огай, Ж.Дайрабаев, Қ.Майгелдінов, Б.Уәли, А.Тимощенко-Боровикова, С.Сарыбай, Д.Тұрлыханов, А.Лодочников, С.Құранбек, Э.Суларов шығарылды”, – деп толықтырды баспасөз қызметі.
Сондай-ақ қазір көктемде өтетін Ұлттық құрылтайдың үшінші отырысына дайындық жасалып жатқаны хабарланды.
Айта кетейік, қос депутаттың ұлдарына қатысты бірнеше рет дау болған.
Бұған дейін Тұрлыхановтың ұлының үстінен адвокаттардың шағымынан кейін қылмыстық іс қозғалған. Тұрлыхановтың 20 жастағы төртінші ұлы Нұрасыл Болат сот шешімімен кінәлі деп танылып, оған 1 миллион 700 мың теңге айыппұл салынған.
