Мәжіліс депутаты Айдос Сарым Ресейге барса 7 жылға бас бостандығынан айырылуы мүмкін, деп хабарлайды kaskelen.kz.
Депутат ресейлік журналист Тина Канделакиді Қазақстанға кіргізбеу туралы шешім өте орынды екенін жеткізді.
“Сыртқы істер министрлігі Тина Канделакиді персона нон-грата деп жариялады. Бұл дұрыс шешім. Ол үшін сөз ысырап етіп, эмоцияға берілудің қажеті жоқ. Өзіңізді құрметтеуге тиіссіз! Мен де Ресейде 2070 жылға дейін персона нон-гратамын. Федералдық қауіпсіздік қызметінің шекарадан өтсем 7 жылға дейін қылмыстық жауапкершілікке тартыламын. Беларуссияда да солай… Ешкім ештеңе түсіндірмеді”. – деп жазды депутат.
Еске сала кетейік, бұған дейін ресейлік журналист Тина Канделаки Telegram-арнасына жазба жариялап, “Қазақстан орыс тілін мемлекеттік деңгейде ығыстырып жатыр” деп айыптаған еді. Оның бұл айыптауына журналист Динара Сәтжан жауап берді.
