Павлодар облысында құтқарушылар үлкен шұңқырға құлаған автобусқа жақындады. Әзірге әріптестерінің сөмкесі, корпустың бөлшектері мен көліктің мемлекеттік нөмірі табылды, деп хабарлайды kaskelen.kz тілшісі КТК арнасына сілтеме жасап.
Мамандар жақын арада техниканы жер бетіне шығарады деп үміт артып отыр. Оның ішінде жоғалған адамдардың денелері де болуы мүмкін.
Автобус 4 қаңтарға қараған түні үлкен шұңқырға құлады. Бүгін іздеу жалғасқанына 13 күн болды. Іздеу жүйелері енді автобустың қайда екенін анықтай алды.
“Біз барлық дайындық жұмыстары мен жаттығуларды ТЖД қызметкерлерімен бірнеше рет өткіздік. Дәл сондай автобусты алып, егер оны қазып алсақ қалай болатынын немесе артқы жағы көрінсе қандай ілмекрпен шығаратынымызды қарастырдық.. Егер оның бүйірлік бөлімі көрінсе, онда жаттығулар дәл осылай жүргізіледі”,- деді Павлодар облысының әкімі Асаин Байханов.
Еске сала кетейік, бұған дейін Майқайыңда жер астына құлаған автобус ішіндегі қызметкердің жұбайы оқиғаның мән-жайын айтып берген еді.
