1 ақпаннан бастап Қазақстанда бірқатар өзгерістер орын алады, деп хабарлайды kaskelen.kz.
Балаларға Ұлттық қордан ақша бөліне бастайды
1 ақпаннан бастап балаларға Ұлттық қордан қаржы бөліне бастайды. Бұл туралы Қаржы министрлігі өкілдері мәлімдеген еді.
“2024 жылы алдын ала есептеу бойынша 250 мыңнан аса жас қазақстандық оқу ақысын төлеу немесе тұрғын үй жағдайын жақсарту үшін Ұлттық қордың қаражатын пайдалана алады”, – деген еді ведомство өкілдері.
“Елорда жастары” бағдарламасына өтінімдер қабылдана бастайды
1 ақпанда Астанада “Елорда жастары” атты жеңілдетілген несиелеу бағдарламасына қатысуға өтінімдерді қабылдау басталады.
Ол үшін birge.astana.kz сайты арқылы 1 ақпан сағат 9:00-ден 6 ақпан сағат 23:59-ға дейін өтінімдер қабылданады.
Ақпанның басында Алматыда жолда жүру шектеледі
Алматыда Еуразиялық үкіметаралық кеңес отырысы өтуіне байланысты 1-2 ақпанда жолда жүруге шектеу енгізіледі:
- 1 ақпанда әл-Фараби даңғылы, ШААЖ, Құлжа тасжолы, Саин, Шаляпин, Майлин, Бұқтырма көшелері;
2 ақпанда әл-Фараби, Сейфуллин даңғылдары, Саин, Жароков, Шаляпин көшелері.
Ақпанда қазақстандықтар қанша күн демалады?
Биыл ақпанда 29 күн болады, оның ішінде 8 күн демалыс, 21 жұмыс күні бар.
