Абай облысы Аягөз қаласындағы тұрғын үйлердің бірінде газ балоны жарылып, 4 бүлдіршін көз жұмды,деп хабарлайды kaskelen.kz порталы Абай облысы әкімдігінің баспасөз қызметіне сілтеме жасап.
2023 жылғы 25 қазанда сағат 10:49-да ТЖБ күштері мен құралдарын жедел басқару орталығының пультіне Аягөз қаласының жеке үйлерінің бірінде түтін шыққандығы туралы сигнал келіп түскен еді.
Өрт сөндірушілер оқиға орнына келгеннен кейін бөлмелердің бірінде 20 ш. м. жиһаздар мен жеке заттары жанғаны анықталды. Өрт сағат 11:10-да оқшауланып, 11.24-ге толық сөндірілді. Өрттің себебі анықталуда.
Оқиға орнында төрт баланың денесі табылды.
Өлімнің себебі анықталуда. Тиісті сараптама тағайындалып, полиция тергеу жүргізуде. Қазіргі уақытта отбасы мүшелеріне барлық қажетті көмек көрсетілуде. Жағдай ЖАО бақылауында, – делінген хабарламада.
Қазіргі таңда тиісті сараптама тағайындалып, полиция тергеу жұмыстарын бастап кетті. Өрттің себебі анықталып жатыр. Зардап шеккен отбасының басқа да мүшелеріне қажетті көмек көрсетілуде.
