Бүгін бірқатар БАҚ беттерінде Болат Назарбаевтың ауыр халде ауруханаға түскені туралы хабарлама тарады. Алдын ала қойылған диагноз – қайталанған миокард инфаркті, деп хабарлайды kaskelen.kz порталы.
Қазақстанның экс-президенті Нұрсұлтан Назарбаевтың інісі 3 қараша күні кешке Алматының Орталық клиникалық ауруханасына ауыр халде жатқызылды.
365info.kz порталының жазуынша, оның жағдайы тұрақты және ауыр деп бағаланып, бүйрек жеткіліксіздігі көрсеткіштерінің нашарлауы да байқалған.
Бұл оқиғаға қатысты аурухана әкімшілігі демалыс күндері екенін және “мамандардың сенбіде демалатынын” айтып, журналистердің сұрақтарына жауап беруден бас тартты.
“Болат Назарбаевтың жағдайы туралы ақпаратты тек пациенттің туғандарының келісімін алған соң хабарлай аламыз. Қазақстан заңдарына сәйкес, ауруханада емделушілердің жеке басына және денсаулығына қатысты мәліметті тек пациенттің жақындарының рұқсатымен жариялауға құқылымыз”, – делінген хабарламада.
Белгілі болғандай, соңғы бірнеше жылда Болат Назарбаев төсек тартып жатыр. Бұған дейін дәрігерлер оған көмей ісігі деген диагноз қойған. Болат Назарбаевта қант диабеті мен бүйрек жеткіліксіздігінің болуы жағдайды қиындатады.
