Қазақстандық кәсіпкер Қайрат Боранбаевқа түрмеде отырған кезінде ұялы телефонды пайдалануға және туған күнін алкогольді ішімдікпен тойлауға заңсыз мүмкіндік берілген. Сонымен қатар, кәсіпкер үшін интимдік қызметтер жасалған. Бұл туралы Қайрат Боранбаевтың жиені Әбілхан Боранбаевқа қатысты қылмыстық іс материалдарында айтылған, деп хабарлайды kaskelen.kz тілшісі КТК-ға сілтеме жасап.
Заңсыз сыйлықтар алу Боранбаевтың жиені пара бергеннен кейін мүмкін болды. Осы үшін ол 4,5 жылға бас бостандығынан айырылды. Атап айтқанда, Әбілхан Боранбаев ағасына сыйлық ұсынып, оған жасалған интимдік сипаттағы қызметтерді төлеп берген.
“2022 жылы 22 қыркүйекте сағат 20:40-та қылмыстық жоспарларды орындай отырып, Қ. С. Боранбаевты тергеу изоляторындағы АФМ ғимаратынан конвоирлеу кезінде жол жүру бағытынан ауытқып, пара беруші А. Т. Боранбаевтың пайдасына заңсыз әрекеттер жасап, Астана қаласы Алаш тас жолында орналасқан “Нұр” кафесінің жанында тоқтады. Атап айтқанда Боранбаевқа интимдік қызмет көрсетушімен кездесуге мүмкіндік берілді, сондай-ақ өзінің туған күнін алкогольді ішімдіктермен атап өтуге рұқсат берілді. Куәгер А. Т. Боранбаевтың кешкі уақытта К. С. Боранбаевпен кездесу ұйымдастырғанын көрсетті. Олар қара түсті джипте кездесті. Нәтижесінде жалдамалы қыз оған ақшалай сыйақы үшін интимдік қызмет көрсетті”, – дейді қылмыстық іс.
Естеріңізге сала кетейік, 6 қарашада Қайрат Боранбаев бостандыққа шықты. Бұның орнына кәсіпкердің бас бостандығын шектеу түріндегі жазамен ауыстырылды. 2023 жылдың қыркүйегінде Астанадағы апелляциялық сот Боранбаевты мүлкін тәркілеп, жалпы режимдегі колонияға алты жылға қамауға алған болатын.
