Қазақстандық танымал актриса Дариға Бадықова опасыздық тақырыбын қозғап, оған қатысты ойын айтты. Бұған дейін көзге шөп салу мәселесіне түбегейлі қарсы болған ол бүгінде оған кешіріммен қарайтынын жеткізді, деп хабарлайды kaskelen.kz порталы
Дариға Бадықова Дина Төлепбергенге сұхбат беріп, ел білмейтін бірқатар сырын ақтарды. Актриса қазіргі уақытта опасыздықты кешіре алатынын айтты.
“Қазір мен ақыл тоқтаттым. Бұрын 22-25 жасымда опасыздықты кешірмейтін едім. Қазір кешіретін шығармын. Қазір даналығым басқа шығар”, – деді Бадықова.
Оған қоса, актриса әйелдердің ісіне араласып, ақшасын санап жүретін ерлерді сынға алды.
“Бояуды, әтірді таңдап беретін еркектер бар. Өз басым маған ондай адамдар ұнамайды. Торттың дәміне дейін ажырата алатындар бар. Ол ер адамға тән емес. Дәмін ажыратсын мейлі. Бірақ, оның бағасына араласып жатады. 25 мың теңгеге бояуын сатып алады. Сол кезде ері “неге соншама қымбат? бұны жағып қайда шығасың?” дейді. Бұл болған оқиға. Маған солай айтылса “50 мыңға сатып алсам да, өзім білемін” дер едім”, – деді актриса.
Сонымен қатар, өнер иесі бүгінде отбасылық қаржыға қатысты көзқарасы өзгергенін айтты. Айтуынша, әркімнің ақшасы өзінде болу керек деп ойлайды.
“Әркімнің өз ақшасы болу керек. Отбасылық дүние алсаң, қосасың. Барлығына қосыласың. Бірақ, әркім өз ақшасын өзі ұстау керек”, – деді ол.
