Әнші, музыкант Ерлан Көкеев мас күйінде көлік жүргізіп, Түркияның Аланья қаласында адам қағып кеткен. Әншіге іздеу салынғанын журналист Гүлмира Әбіқай жеке парақшасында айтқан болатын, деп хабарлайды kaskelen.kz.
Биыл жазда әнші отбасымен Аланья қаласында демалған. Атышулы іске байланысты “ешқайда қашпадым” деп ақталып отыр.
“Заң аясында ғана жауап беруге тиіс болғандықтан әзірге ештеңе айта алмаймын. Біз құжаттарды дайындап жатырмыз. Онымен айналысып жатқан заңгер бар. Ешқайда жасырынбадым, қашып кетпедім. Әлеуметтік желіні жүргізіп отырмын. Сондықтан, бұл іске қатысты қандай да бір шешім шықса, халыққа бірден жариялауға тырысамын”, – деді әнші.
Оның сөзінше, осы іске қатысты баспасөз конференциясы ұйымдастырылып жатқан көрінеді.
Еске сала кетейік, журналистің мәліметі бойынша, әншінің қаққан жігіті ауруханаға жеткізілген. Денсаулығы оңалмай, қазір мүгедек болып қалғанын айтқан журналистің құрбысы.. Түркия заңына сәйкес, жол-көлік оқиғасының барлық шығынын рульдегі жүргізуші емес, көлік рәсімделген иесі көтереді. “Көлік пен медициналық сақтандыру, кепіл ақысы мен сот отырысының шығыны 34мың € болғанын жазған болатынбыз.
