Актриса Жұлдызай Дүйсенбиева кеше желіде көпшілікпен қоштасқан еді. Ол денсаулығының сыр беруіне байланысты әлеуметтік желіден кетуге мәжбүр екенін айтты, деп хабарлайды kaskelen.kz.
“Сіздермен қоштасатын уақыт жетті. Сені сағынсаңыздар, теледидардан үзбей қарап отырсаңыздар болады. Бәріңізді жақсы көремін. Мен де өздеріңізді сағынатын боламын”, – деп жазған еді актриса.
Кейін актриса парақшасында системада жатқан сәттің суретін бөлісті.
“Денсаулығыма байланысты уақытша деп ойлаймын. Парақшаға қайта оралармын. Маған сіздердің бата, қолдауыңыз керек. Тілеулес болыңыздаршы! Жағдайымды парақшамнан біліп тұрсаңыздар болады”, – деп жазды Жұлдызай Дүйсенбиева Instagram желісіндегі парақшасында.
Еске сала кетейік, өткен жылдың қыркүйек айында әртіс өзінің ауыр дертке ұшырағанын және оның миллионның бірінде ғана кездесетінін айтты.
