Мәжіліс отырысында ішкі істер вице-министрі Игорь Лепеха көлікті мас күйде жүргізгендерге жазаны жеңілдету туралы ұсынысқа жауап берді, деп хабарлайды kaskelen.kz тілшісі.
Ішкі істер министрлігінің мәліметіне сәйкес Қазақстанда жыл сайын 500-ге жуық жол-көлік оқиғасы мас жүргізушінің кесірінен болады. Соның салдарынан 100-ге жуық адам қаза болып, 600-дей адам түрлі дәрежедегі жарақат алады.
“Менің ойымша, бұл бойынша шара (мас күйінде көлік жүргізгені үшін жаза – редактордың ескертпесі) өте қажет. Оны қайта қараудың қажеті жоқ”, – деді Лепеха.
Ол алдымен, егер адам мас күйінде рөлге отырса, оған бұл үшін қандай санкция бойынша жаза қарастырылғаны маңызды емес екенін атап өтті.
“Екіншіден, жүргізуші куәлігінен айырылған жүргізушілер туралы айтсақ: көлікті мас күйде жүргізгендердің кінәсінен қаза болғандардың отбасынан сұрайық…”, – деді ол.
Ол кей елдерде тіпті мас жүргізушілерден көлік тәркіленетінін айтты.
“Жауапкершілікті жеңілдету орынсыз деп санаймын, өйткені біз мас күйінде жүргізушінің кесірінен болған жол-көлік оқиғаларының азайғанын көрмедік, бүгінгі таңда олардың саны артқанын айтқым келеді”, – деді ол.
