Борышкер алимент төлемейді, жұмыс істемейді және мүлкі жоқ: бұл жағдайды қалай шешуге болатынын ОКҚ алаңында өткен баспасөз брифингісінде әділет вице-министрі Даниэль Ваисов айтты, деп хабарлайды kaskelen.kz порталы.
Әділет министрлігі, өңірлердегі алимент өндіретін арнайы топтар осындай борышкерлермен жұмыс істейтінін айтты.
«Әкімдіктермен бірлесіп, бізде осындай борышкерлерді жұмысқа орналастыру бойынша жұмыс жолға қойылды», – деді әділет вице-министрі Даниэль Ваисов ОКҚ алаңында өткен баспасөз конференциясында.
Сонымен қатар, спикер шетелде жұмыс тапқан борышкерлерге уақытша шығуға тыйым салуды алуға қатысты түсініктеме берді.
«Борышкер алдымен Қазақстанда өз қарыздарын өтесін, содан кейін кетуіне болады. Алайда, өндіріп алушының өтініші бойынша уақытша шектеудің күшін жоюға болады. Егер несие беруші борышкер шетелде жұмыс тауып, қарызды жаба алады деп ойласа, яғни өндіріп алушы жауапкершілікті өз мойнына алса, онда біз қарастырып, тыйымды алып тастаймыз», – деді спикер.
