Қоғамдық саясат институтының сауалнамасына жауап берген Қазақстандықтардың 52,7%-ы жаман әдеттерден арылғысы келетіндерін мойындады, деп хабарлайды kaskelen.kz тілшісі.
Ең қызығы неде?
Жаман әдетті атап өткендердің арасында ең көп тарағандары мыналар:
- Интернетті шамадан тыс пайдалану – 25,2%
- Фаст-фудты жеу – 22,9%
- Энергетикалық сусын ішу – 20,5%
- Әлеуметтік желілер – 19,2%
- Қажетсіз заттарды сатып алу – 18,5%
Statista агенттігінің мәліметінше, әлемде адамдар күніне орта есеппен 6 жарым сағатты интернетте, ал Қазақстандықтар күніне үш сағатты желіде өткізеді.
Темекі шегу әлі күнге дейін ең дәстүрлі жаман әдет болып саналады, адамдардың 23,9 %-ы темекіні тастағысы келеді.
8,3 %-ы алкогольге тәуелділіктен арылғысы келеді.
Қазақстан ДДҰ-ның темекіге қарсы күрес туралы конвенциясына қол қоюшы ретінде жыл сайын темекі өнімдерін сату мен жарнамалауға шектеулер қояды. Соңғы шаралардың бірі – вейптерді әкелуге, сатуға және таратуға тыйым салатын заң.
Кім көбінесе жаман әдеттерге бейім?
- Қала тұрғындары (55,8%) және табысы жоғары адамдар (67,5%).
- 25-35 жас аралығындағы топ (60,8%) аға буынға (32,6%) қарағанда зиянды әдеттерге көбірек бейім.
- Ерлі-зайыптылардың (50,1%) ажырасқан адамдармен (70,8%) салыстырғанда жаман әдеттері аз.
Қызықты фактілер:
– Ер адамдар темекі (37,7%) және энергетикалық сусынды тастағысы келеді (22,6%).
– Әйелдер фаст-фудтан бас тартуға (27,7%) және интернетті пайдалану уақытын қысқартуға (27,6%) ұмтылады.
Өмір сүру сапасын жақсарту үшін жаман әдеттердің жағымсыз әсерлерін мойындау және өзгерістерге ұмтылу маңызды. Зерттеу 2024 жылдың шілдесінде жүргізілді. Сауалнамаға 18 жастан асқан 2000 қазақстандық қатысты.
