Жаңа орган құру жөніндегі құжат жобасын ҚР Ғылым және жоғары білім министрлігі дайындады. Тиісті құжат Ашық НҚА платформасында жарияланды, деп хабарлайды kaskelen.kz порталы.
Орфография комиссиясы консультативтік-кеңесші орган болады және жылына кемінде екі рет отырыс өткізеді деп күтілуде.
Комиссия өз қызметінде:
• сөзжасамда, оның ішінде шеттілді сөздерді игеріп жазуда фонетикалық, морфологиялық, дәстүрлі-тарихи принциптерді сақтау;
• қазіргі кезеңге дейін жазу тәжірибесінде қалыптасқан базалық нормаларды сақтау;
• қазақ тілінің үндестік заңын сақтау;
• сөздерді жазуда бірізділікті сақтау;
• тыныс белгілерін қоюда бірізділікті сақтау;
• сөздердің жазылуын ықшамдау;
• сөздік қордың көлемін кеңейту, жаңартып, жетілдіріп отыру;
• жиі қолданылатын және қолданыстан шығып бара жатқан сөздерді саралау принциптерін ұстанады.
Айта кетейіе, консультативтік органға 24 адам, оның ішінде профессорлар, филология ғылымдарының докторлары мен кандидаттары кіреді.
