Ведомствоның мәліметінше, елімізде тұқым шаруашылығының 237 субъектісі сертификаттаудан өткен. Оның ішінде:
30 бірегей тұқым өндірушілер;
82 элиталық тұқым өндірушілер;
І, ІІ және ІІІ сортты тұқым өндіретін 125 шаруашылық жұмыс істейді.
– Бір шаруа қожалықтың қолында тұқым өндірісінің 2 немесе 3 түріне бірдей рұқсаты бар екенін ескерсек, тұқым өндіруші субъектілердің жалпы саны 163-ке жетеді. Жыл сайын аттестаттаудан өткен шаруашылықтар шамамен 400 мың тонна жоғары сұрыпты тұқым өндіріп келеді, – деп жазады министрлік мамандары.
