Бір жылда Қазақстанда электромобильдер саны 1,6 есе өсті, деп хабарлайды kaskelen.kz порталы.
Ұлттық статистика бюросының мәліметіне сүйенсек, 2024 жылдың 1 желтоқсаны бойынша Қазақстанда 12 587 электромобиль тіркелсе, алдыңғы жылы бұл көрсеткіш 7 680 болған. Бұл өсім көліктің барлық түрлеріне, соның ішінде жеңіл көліктерге, жүк көліктеріне және автобустарға әсер етті.
Өсім, әсіресе, жеңіл автомобильдер сегментінде байқалады. Олардың саны 7 383-тен 12 119-ға дейін өсті. Сондай-ақ елімізде коммерциялық электромобильдер саны да артып келеді, қазіргі уақытта елімізде 338 электр жүк көлігі және 130 электробус бар.
Алматы электромобильдер саны бойынша көш бастап тұр, мұнда 7 309 осындай көлік тіркелген. Одан кейін Астана (1510) мен Алматы облысы (638).
