Жылжымайтын мүлікті сатып алу-сатуды ХҚО-да рәсімдеуге болатынын білесіз бе. Құжаттарды тапсыру күнін есептемегенде қызмет көрсету уақыты 1 жұмыс күнін құрайды.
Мәміле жасау үшін сізге қажет: екі данада жасалған сатып алу-сату шарты; жылжымайтын мүліктің техникалық паспорты; Жылжымайтын мүлікке құқық белгілейтін құжаттар (оларды сатушы ұсынады). Егер сатушы мен сатып алушы некеде тұрса, онда жұбайының/зайыбының нотариалды куәландырылған келісімі қажет. Бұл екі жаққа да қатысты.
Егер жылжымайтын мүлік құрылыс компаниясынан сатып алынса, сізге қосымша сату туралы шешім ұсыну қажет. Бұл ретте, егер сатып алушы некеде тұрса, жұбайының/зайыбының нотариалды куәландырылған келісімі қажет.
ХҚО-ға дайын сатып алу-сату шартымен де, онсыз да келуге болады. Мемлекеттік корпорацияның маманы оны құрастыруға көмектеседі. Шартта жылжымайтын мүліктің барлық техникалық сипаттамалары (ауданы, қабаты, пәтер нөмірі, кадастрлық нөмірі және т.б.) көрсетілуі тиіс. Егер жылжымайтын мүлік құрылыс салушыдан сатып алынса, шартта ХҚО-ға келетін компанияның сенімді тұлғасының аты-жөні көрсетілуі тиіс. Сенім білдірілген тұлға болмаған жағдайда ХҚО-ға компания директоры келеді, ол сатып алу-сату шартына қол қояды және өзімен бірге директорды тағайындау туралы бұйрық әкеледі.
Мемлекеттік баждың мөлшері-1 202,5 теңге, егер көрсетілетін қызметті алушы дайын сатып алу-сату шартымен келсе. Егер құжат ХҚО-да жасалатын болса, онда көрсетілетін қызметті алушы тіркеуге қарамастан, шартты жасау үшін де бөлек 8500 тенге төлейді. Қызметтің құны жылжымайтын мүлік түріне байланысты өзгереді (мысалы, сақтау орындары, паркингтер және т.б.). Егер сатып алу-сату объектісі жеке үй болса, онда төлем өзгермейді, бірақ оның аумағындағы жер учаскесі мен шаруашылық құрылыстарды тіркеу үшін қосымша ақы алынады.
Құжаттарды тапсыру күнін есептемегенде, қызмет көрсету уақыты 1 жұмыс күнін құрайды.
Осылайша, Алматы облысы тұрғындары үшін жоғарыда көрсетілген мүмкіндіктер Мемлекеттік қызметтерді алу кезінде өз шығындарын бірнеше есе үнемдеуге мүмкіндік береді!
Елімізде ана мен бала қауіпсіздігі қалай қорғалып жатыр?
Ішкі істер министрлігінің әкімшілік полиция комитетінің ерекше тапсырмалар жөніндегі аға инспекторы Ақмарал Серікбаева бүгінде елімізде отбасындағы ана мен баланың жәбір...
