Алматыда 12-13 желтоқсан күндері 23-27 градусқа дейін аяз болады деп күтілуде, деп хабарлайды kaskelen.kz порталы.
Түнде басталған қар тоқтаусыз әлі жауып тұр.
Осыған байланысты қалалық төтенше жағдайлар департаменті жүргізушілерге көлігін ағаш астында қалдырмау керектігін ескертті.
«Алматыға қалың қар түсті, тұман болады. 23-27 градусқа дейін аяз болады. Сондықтан қала қонақтары мен тұрғындардан таулы жерлерге бармай, 112 қызметінің СМС-хабарламаларын, бұқаралық ақпарат құралдарындағы ақпаратты назардан тыс қалдырмауды сұраймыз» делінген хабарламада.
