Алматыда сауда орталықтарының бірінде жеңілдік қарсаңында адамдардың көптеп келуіне байланысты штаттан тыс жағдай орын алды, деп хабарлайды kaskelen.kz тілшісі. Видеоны мына сілтеме арқылы көре аласыз.
Жеңілдікпен киім алғысы келген адамдар бір-бірін таптап кете жаздап, тәртіпсіздік тудырған.
“Адам көп болғаны сонша – олар бірнеше сауда нүктелері мен витриналарды қиратты. Тәртіпті қалпына келтіру және келушілердің қауіпсіздігін қамтамасыз ету үшін полицияны шақыруға, адамдарды эвакуациялауға тура келді”, – делінген бейнероликте.
Бұл жағдай туралы Алматы полиция департаменті түсініктеме берді.
“Алматы қаласының полиция департаменті сауда орталығындағы бір бутикте жеңілдік жарияланғандықтан, келеңсіз жайт орын алған. Бутик әкімшісінің іс-әрекетіне құқықтық баға беріледі”, – деп хабарлады ведомствоның баспасөз қызметі.
