Психикалық ауру түрлері әрқашанда жантүршігерлік әсер туындатты. Бұл ауытқуға бірнеше факторлар себеп болады. Осыған орай елімізде психикалық ауытқуы бар қанша адам тіркелгенін Massaget.kz тілшісі анықтады, деп хабарлайды kaskelen.kz.
Денсаулық сақтау министрлігі мәліметіне сәйкес, қазір динамикалық бақылауда 201 140 адам тіркеуде тұр.
“Кәмелет жасқа толмаған тіркеудегі науқастар саны – 42 500, қалған 158640 науқас – ересектер”, – деп жазылған ведомствоның Massaget.kz-ке ресми жауабында.
Заңнама бойынша ауыр, өзгермейтін сипат алған, асқынған ауру белгілері бар созылмалы немесе ұзаққа созылған психикалық бұзылушылықтан зардап шегетін адам есепке алынады.
“Психикалық мінез-құлық бұзылысы диагнозы аурулардың клиникалық көріністеріне сәйкес қойылады”, – деп жазылған жауапта.
