Өзін продюсерлік қырынан танытып жүрген актриса Дариға Бадықованың жаңа туындысы “Таптым-ау сені” фильмі рекорд жаңартты, деп хабарлайды kaskelen.kz.
Дариға Бадықованың “Таптым-ау сені” фильмі небәрі 10 күн ішінде 1 100 000 000 теңге касса жинаған. Бұл туралы Kinopark-Kinoplexx театрларының баспасөз қызметі хабарлады.
Кинотеатрлар желісі өкілдерінің айтуынша, бұндай көрсеткіш отандық прокатта бұрын-соңды болмаған.
“Әдетте, фильмнің бюджеті қомақты болса немесе шетелде түсірілсе әрі премьерасы сәтті күнге жоспарланса ғана миллиардқа кеңелту мүмкіндігі жоғары деген ортамызда таптауырын пікір бар. Дариға Бадықова аталған факторлардың ешқайсысы фильмнің прокатына еш әсер етпейтінін дәлелдеп берді. Толықтай Қазақстанда түсірілген, бюджеті өте қарапайым “Таптым-ау сені” ромкомы 1 желтоқсанда прокатқа шығып, қысқа мерзімде миллиард теңгеден астам касса жинады. Әрине, киноны түсірушілер табысқа жетудің өзіндік формуласын тапқан”, – деді Kinopark-Kinoplexx театрларының өкілдері.
Сонымен қатар, фильмнің саундтрегі 15 милиион көрілім жинап, бірінші орынға шықты.
